केन्द्रीय संस्करण

जाडोमा बढ्न सक्छ कोरोनाको कहर, वैज्ञानिकको चेतावनी

person explore access_timeअसोज ३०, २०७७ chat_bubble_outline0

एजेन्सी – कोरोना भाइरस (कोभिड १९) को विषयमा केही अनुसन्धान बाहिरिएको छ । जाडोको मौसममा कोरोना भाइरसको अवस्थाको विषयमा विभिन्न अध्ययन अनुसन्धान भइसकेका छन् । यसै सन्दर्भमा फेरि नयाँ अनुसन्धान गरिएको छ । 

अनुसन्धानका अनुसार वैज्ञानिकहरुले जाडोमा फेरि एकपटक कोरोना भाइरस तीव्र गतिमा फैलने चेतावनी दिएका छन् । रिसर्चका अनुसार गर्मीमा एरोसोलका स–साना कणका कारण कोरोना फैलिरहेको थियो भने जाडोमा रेस्पिरेटरी ड्रोप्लेट्स (Respiratory Droplets) को सीधा सम्पर्कमा आएर पुनः एकपटक कोरोना भाइरसको महामारी हुन सक्ने वैज्ञानिकहरुले बताएका छन् । 

यो अनुसन्धान न्यानो लेटर्स जर्नलमा प्रकाशित भएको हो । अध्ययनमा भनिएको छ, जाडोमा ‘फिजिकल डिस्ट्यान्सिङ’ ले मात्रै कोरोना रोेकथाम हुन सक्दैन ।’  अध्ययनका लेखक यानिइंग झूले भनेका छन्,  ‘हामीले थुप्रै केसहरुमा रेस्पिरेटरी ड्रोप्लेट्स सीडीसीद्वारा बताइएको ६ फिटभन्दा बढी दुरी तय गर्दछ ।’ 

अनुसन्धानकर्ताका अनुसार यस्तो ठाउँमा तापमान धेरै कम र ह्युमिडिटी धेरै हुन्छ । जस्तो कि मासुलाई सधैँ ताजा राख्ने ठाउँ यस्तो ठाउँमा ड्रोपलेट्स जमिनमा झर्नुभन्दा पहिले ६ फिट भन्दा बढी दूरी कायम गर्न सक्छ । 

अनुसन्धानकर्ताहरु भन्छन्, ‘यस्तो वातावरणमा भाइरस लगातार बनिरहन्छ । जिवितै रहन्छ । र केही मिनेटदेखि एक दिनभन्दा बढी समयसम्म सतहमा रहन्छ ।’ झू भन्छन्, ‘यो कारण मीट प्लान्ट्समा कोरोना तीव्र गतिमा फैलिएको पाइन्छ ।’ 

अनुसन्धानकर्ताहरुको अनुसार यसको विपरित गर्मी वा सुख्खा स्थानमा ड्रोपलेट्स सजिल्यै हावामा उड्न सक्छ । र भाइरसका स–साना कण मिलेर एरोसोल भाइरसको कण बन्न पुग्छ । जुन बोल्दा, खोक्दा, हाछीउँ गर्दा र सास फाल्दा फैलिन सक्छ । अध्ययनमा लेखक झूका अनुसार यो निकै छोटो कणमा बन्छ । सामान्यतयाः १० माइक्रोनभन्दा पनि सानो हुने भएकाले हावामा सजिल्यै फैलिन सक्छ । साथै, सास फेर्दा पनि सर्न सक्छ । 

वैज्ञानिकका अनुसार गर्मीमा ड्रोपलेट कन्टेक्टको तुलनामा एरोसोल ट्रान्समिसन धेरै हुन्छ । जसले गर्दा जाडोमा ड्रोपलेट कन्टेक्ट धेरै खतरनाक मानिन्छ । 

जाडो वा चिसो मौसममा सामाजिक दूरी कायम राख्ने, मास्क लगाउने आदि गर्नुपर्छ । 

रातोपाटीको अंग्रेजी, हिन्दीग्लोबल संस्करणका साथै अनलाइन टिभी पनि सञ्चालित छ । एप्सबाट सिधै समाचार पढ्न एन्ड्रोइडका लागि यहाँ र आइफोनका लागि यहाँ क्लिक गर्नुहोस् । फेसबुकट्वीटरमार्फत पनि हामीसँग जोडिन सकिनेछ ।

कमेन्ट

कमेन्ट गर्नुहोस्

info_outline

तपाईको ईमेल गोप्य राखिनेछ

This site is protected by reCAPTCHA and the Google Privacy Policy and Terms of Service apply.